Rusiya Ermənistan-Azərbaycan sərhədinin delimitasiyası prosesinin və bütün sərhəd boyunca demarkasiyanın tezliklə işə salınmasına çağırır.

Redaktor.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.

O bildirib ki, Rusiya iki ölkə arasında sərhədin ayrı-ayrı hissələrində, o cümlədən Gorus-Qafan yolunda Azərbaycan tərəfinin İranın yük avtomobillərini saxlaması ilə bağlı vəziyyəti diqqətlə izləyir: "Varatan kəndi yaxınlığındakı vəziyyətin inkişafı bir daha Ermənistan-Azərbaycan sərhədinin delimitasiya və demarkasiya prosesinə tezliklə başlanmasının vacib olduğunu təsdiq edir. Bununla əlaqədar Rusiyanın təklifləri Bakı və İrəvana təqdim olunub. Biz gələcək kursun formalaşdırılması üçün cavab gözləyirik. Paralel olaraq biz Azərbaycan və Ermənistanla birgə regionda nəqliyyat və iqtisadi əlaqələrin açılması üzrə səyləri davam etdirəcəyik".