Finlandiya yaxın həftələrdə NATO-ya üzvlük üçün müraciət edəcək.

Bunu Finlandiya parlamentinin Xarici Əlaqələr Komitəsinin sədr müavini, Finlandiyanın keçmiş xarici işlər naziri Erkki Tuomioya Stokholmda həmkarları ilə görüşdən sonra jurnalistlərə bildirib.

Cümə axşamı Finlandiya Parlamentinin Xarici Əlaqələr Komitəsinin üzvləri Stokholmda İsveç Parlamentinin sədri Andreas Norlen, xarici işlər və müdafiə komitələrinin nümayəndələri, habelə xarici işlər naziri Ann Linde və müdafiə naziri Peter Hultqvist ilə görüşlər keçiriblər.

Sosioloji sorğulara əsasən, Finlandiya parlamentində böyük əksəriyyət NATO üzvlüyünə səs verəcək.

Mənbə: “RİA Novosti”