Ukraynanın paytaxtı Kiyevdə bu axşamdan etibarən 35 saatlıq komendant saatı tətbiq olunacaq.

Axar.az xəbər verir ki, bu barədə Kiyev meri Vitali Kliçko məlumat yayıb.

Komendant saatı bu axşam saat 20:00-da başlayacaq və çərşənbə günü saat 07:00-a qədər davam edəcək.

Qadağa zamanı apteklər, ərzaq mağazaları və yanacaqdoldurma məntəqələri də daxil olmaqla, bütün müəssisələr bağlanacaq.

Xüsusi icazəsi olanlar istisna olmaqla, heç bir nəqliyyat vasitəsinin şəhərdə hərəkətinə icazə verilməyəcək.