Ukrayna Prezidenti Volodimir Zelenski xalqa yeni müraciət yayıb.

Milli.Az bildirir ki, o, Mariupol, Volnovaxa və digər şəhərlərdə qala bilən bütün ukraynalıları ərazilərini müdafiə etməyə çağırıb.

"Mariupol və Volnovaxada insanları- qadınları, qocaları, uşaqları xilas etmək üçün, qalanlara yemək və dərman çatdırmaq üçün bu gün humanitar dəhlizlər işləməlidir. Yardıma ehtiyacı olan hər kəsə getmək imkanı verilməlidir. Şəhərini müdafiə edə bilən hər kəs mübarizəni davam etdirməlidir. Hamı getsə, bu şəhər kimin şəhəri olacaq?"

O, daha sonra deyib: "Bu gün Bağışlanan Bazar günüdür. Amma yüzlərlə, yüzlərlə qurbanı bağışlamayacağıq. Minlərlə, minlərlə xəsarət alan. Və Allah bağışlamayacaq. Bu gün yox. Sabah da yox. Heç vaxt. Bağışlanmaların əvəzinə Qiyamət günü olacaq".

Volodimir Zelenski bildirib ki, Ukrayna silahsız insanların güllələnməsini əfv etməyəcək.

"Bu gün biz "Oxmatdie" uşaq xəstəxanası üzərində hava hücumundan müdafiə sistemimizin vurduğu raketi bağışlamayacağıq. Silahsız insanların güllələnməsini bağışlamayacağıq. İnfrastrukturumuzun məhv edilməsini", - Ukrayna Prezidenti deyib.

"Əksər komplekslər (müdafiə-sənaye kompleksi müəssisələri. - red.) hələ onilliklər əvvəl, hələ sovet hakimiyyəti tərəfindən tikilib. Onlar şəhərlərdə tikilib. İndi onlar normal şəhər mühitinin ortasındadırlar. Orada minlərlə insan işləyir. Yaxınlıqda yüzlərlə, minlərlə insan yaşayır. Bu isə qətldir. Qəsdən adam öldürmə", - dövlət başçısı bildirib.

Zelenski vurğulayıb ki, heç bir dünya lideri Rusiya Müdafiə Nazirliyinin dünənki bəyanatına reaksiya verməyib.

"Mən heç bir Qərb siyasətçisindən bu açıqlamaya reaksiya eşitməmişəm. İşğalçıların cəzasızlıq hissini düşünün. Onlar planlaşdırılan vəhşilikləri elan edirlər. Niyə? Çünki heç bir reaksiya yoxdur. Sanki Qərb liderləri bu axşam, bu gün yoxa çıxıblar. Ümid edirəm ki, sabah bunu hiss edəcəksiniz, deyəcəksiniz", - Prezident dünya liderlərinə müraciətində deyib.