Ukraynada minlərlə ailə Rusiyanın hücumu səbəbindən ölkəni tərk etmək məcburiyyətində qalarkən, müharibə və münaqişə mühitindən ən çox uşaqlar təsirlənir.

Müharibələr dağıntılar, çox sayda ölüm və yaralanmalara, habelə məcburi köçə səbəb olur. Son vaxtlar Əfqanıstan, İraq və Suriyada gedən müharibə nəticəsində milyonlarla insanın öz ev-eşiyindən didərgin düşməsi Rusiyanın hücumu nəticəsində Ukraynada da yaşanır.

Birləşmiş Millətlər Təşkilatının Uşaq Fondunun (UNICEF) məlumatına görə, 7 gündə evlərini tərk etməyə məcbur edilən uşaqların sayı 500 mindir.

Baş verənlərdən xəbəri olmayan yüz minlərlə uşaq xatirələrini arxada qoyub ailələri ilə birlikdə köç edirlər.