"Yeni Bakı Yaşayış Kompleksində su anbarı tikilməyib və bütün mənzillər sayğacla təmin edilməyib. Bundan başqa, orada çoxlu neqativ amillər var və vətəndaşlarla şirkət arasında mübahisələr var".

Ucnoqta.az xəbər verir ki, bu sözləri "Azərsu" ASC-nin ictimaiyyətlə əlaqələr üzrə rəhbəri Anar Cəbrayıllı "103.3 FM" radiosuna açıqlamasında deyib. O qeyd edib ki, yaşayış kompleksinin 250 min manatdan artıq yığılmış borcu var və bu, günü gündən artır. Çünki orada yığılan su pulu "Azərsu"ya ödənilmir.

"Vətəndaşlara birmənalı demək istəyirəm ki, su pulu ödəməsinlər. Çünki o kompleksdə yığılan pullar "Azərsu"ya ödənilmir və borclar günü-gündən daha artır", - deyə "Azərsu" rəsmisi bildirib.