Nikol Paşinyanın sözlərinə görə, Azərbaycan hakimiyyətinin Ermənistanın Sunik vilayəti vasitəsilə «nəqliyyat dəhlizi» nin açılması barədə açıqlamaları reallığa uyğun deyil. Rusiya, Ermənistan və Azərbaycan liderlərinin bəyanatlarının heç birində bu barədə söhbət yoxdur.

Ermənistan, Rusiya və Azərbaycan baş nazirlərinin müavinlərinin iştirakı ilə işçi qrupu «Zəngəzur dəhlizi» ilə bağlı məsələni müzakirə etməyib.

Qalanews Sputnik-ə istinadən xəbər verir ki, bu barədə Ermənistan hökumətinin iclasında baş nazir Nikol Paşinyan bildirib.

O qeyd edib ki, Ermənistan, Rusiya və Azərbaycan baş nazirlərinin başçılıq etdiyi işçi qrupu yanvarın 11-də Moskvada üç ölkə liderlərinin birgə bəyanatının nəticələrinə əsasən yanvar ayında yaradılıb. İşçi qrupu kommunikasiyanın açılması üçün olduqca konstruktiv işlər aparır.

Buna baxmayaraq, Azərbaycan «Zəngəzur dəhlizi» ilə bağlı bəyanatlar səsləndirməkdə davam edir. Bu bəyanatların komissiyanın işi ilə heç bir əlaqəsi yoxdur və tərəflər bu məsələni müzakirə etmirlər. Dəhliz haqqında 9 noyabr 2020-ci il tarixli üçtərəfli bəyanatda, nə də 11 yanvar 2021-ci il tarixli sənəddə heç bir müddəa qeyd olunmayıb.