Mioma xərçəng deyil, uşaqlıq yolunda əzələ hüceyrələrindən əmələ gələn xoşxassəli şişlərdir. Əvvəllər bu diaqnoz orta yaş üstü qadınlara qoyulurdusa, indi artıq gənclərdə də aşkar olunur.

Hesab olunur ki, mioma kiçikdirsə, ona toxunmaq lazım deyil , sadəcə onu müşahidə etmək kifayətdir. Əməliyyat tələb olunmur. Ancaq istisnalar var.

“Mediçina” xəbər verir ki, Seçenov Universitetinin professoru Kamil Bəxtiyarovun sözlərinə görə, miomalar kiçik olmasına baxmayaraq, sağlamlığa mənfi təsir göstərir. Yəni ölçüsünə görə miomaları qiymətləndirmək düzgün deyil.

“2017-ci ildə bir qadına kiçik mioma diaqnozu qoyulmuşdu. Həkimlər ona heç bir tövsiyə verməyiblər, hətta ultrasəs müayinəsi ilə mioma müşahidə etməyi də tövsiyə etməyiblər. Amma qadında çox qan axmağa başlayıb. Bununla yanaşı zəiflik, başgicəllənmə, saç tökülməsi, qadın buna 6 il dözüb.

Üstəlik, qadının güc itkisi şikayəti ilə müraciət etdiyi həkimlər onun tezliklə menopauzaya bildiriblər. Rutin müayinə zamanı qadında hemoqlobin, dəmir və ferritin səviyyəsinin çox aşağı olduğu müəyyən edilib.

Xəstə məni görməyə gələndə ultrasəs müayinəsi etdik. Bəli, düyün həqiqətən kiçik idi, 2 sm-ə qədər. Lakin yerləşməsinə görə qan itkisinə səbəb olurdu.

Yeri gəlmişkən, ultrasəsə görə, qadının yumurtalıqları follikullarla dolu idi, bu o deməkdir ki, o, hələ menopauzadan uzaq idi. Deməli, simptomların onunla heç bir əlaqəsi yoxdur. Təbii kiçik miomaları yalnız müşahidə etmək kifayət edirdi. Lakin bu vəziyyətdə, pis yerləşdiyi üçün qadına pis fəsadlar gətirdi.

Ümumiyyətlə, qadının fiziki sağlamlığı onun ruh halından çox təsirlənir. Stress orqanizmdə çox ciddi pozğunluqlar təhlükəsidir.

Xroniki stress səbəbiylə miyomatoz düyünlər olduqca tez böyüyür, çünki epinefrin və norepinefrin miyometrial hüceyrələrə təsir göstərir. Bu yalnız uşaqlıq miomasına deyil, endometrioz və yumurtalıq kistlərinə də aiddir”.

Günay Quluzadə