Alimlər dayanıqlı bakteriyalarla mübarizə apara biləcək yeni bir antibiotik hazırlayıb.

Publika.az xəbər verir ki, bir dərman firması tərəfindən hazırlanan antibiotiklər Yunan mifologiyasındakı “Troya atı” kimi davranaraq gizli bakteriyaların içinə girə bilir.

Yunan döyüşçülərinin Troya şəhərinə gizlincə daxil olması üçün böyük taxta atın hekayəsindən ilham alınaraq hazırlanan antibiotik bədənə daxil olanda dəmirə bağlanır. Dolayısı ilə “aldadılan” bakteriya hüceyrəsinin içinə girib, bakteriyanı yox edə bilir.

Araşdırmanı həyata keçirən alimlər bildirir ki, dərman bu xüsusiyyətinə görə “Troya atı”na bənzəyir, lakin tək fərq antibiotik bakteriyanın içinə girmək üçün taxta yox, dəmirdən istifadə edir.

Böyrək və sidik yolu infeksiyasından əziyyət çəkən 448 nəfər üzərində bu dərman tətbiq edilib. Dərmanın hazırda istifadə edilən antibiotiklər qədər təsirli və etibarlı olduğu deyilir.