Son dəqiqə
Damar çatmamazlığı!
Damar çatmamazlığı generalizə olunmuş,regionar, kəskin və xroniki olur.
Generalizə olunmuş kəskin damar çatmamazlığı - kollaps, şok, şüurun, huşun aydın olmaması, miokard infarktı, xroniki isə – arterial və venoz tonusun davamlı zəifliyi, ürək dekompensasiyası zamanı müşahidə olunur.
Regionar kəskin damar çatmamazlığı kompression proseslər, tromboz, emboliya, damar tonusunun pozulması, arteriyaların spazmı ilə xarakterizə olunur. Regionar çatmamazlıq ürəyin işemik xəstəliyi – koronar çatmamzlıq, serebrovaskulyar xəstəliklər, qaraciyər venasının tromboflebiti, aşağı ətraf venalarının varikoz genişlənməsi ilə bir sırada durur.
Qan dövranı çatmamazlığının patogenezində uyğunlaşma, kompensasiya,dekompensasiya mərhələləri ayırd olunur.
Uyğunlaşma mərhələsi tənzimlənmə proseslərinin aktivləşməsi, neyrohumoral tənzimlənmə ilə xarakterizə olunur.
Kompensasiya mərhələsi ürək və damarların struktur dəyişiklikləri ilə xarakterizə olunur. Arteriyaların periferik müqavimətinin artması halında kompensasiya ürəyin işinin atrması hesabına olur ki, bu da ürəyin hipertofiyası ilə nəticələnir. Arterial təzyiqin davamlı düşməsi hallarında kompensator olaraq qan dövranının mərkəzləşməsi baş verir. Hipoksiyaya az həssas olan toxumalarda isə qan axını zəifləyir. Venoz kollaterallar böyüyür, dalaq və qaraciyər ölçüləri böyüyür.(Pozitiv.az)[b][/b]
