"Macarıstan meymunçiçəyi xəstəliyinə yoluxmuş ən azı bir nəfər var".

Publika.az xəbər verir ki, bu barədə ölkənin Səhiyyə Nazirliyinin sözçüsü Cecilia Miller dövlət xəbər agentliyi MİT-ə məlumat verib.

Millerin sözlərinə görə, xəstə 38 yaşlı kişidir və hazırda səhiyyə orqanları onun bu yaxınlarda xaricə səfər edib-etməməsi ilə bağlı araşdırmaları davam etdirir.

Qeyd edək ki, Meymunçiçəyi (Monkeypox) nadir viral xəstəlikdir, əsasən vəhşi heyvanlardan (gəmiricilər, primatlar) insanlara ötürülür. Xəstəliyin simptomlarına hərarət, baş ağrısı, əzələ və bel ağrıları, şişkin limfa düyünləri, titrəmə və yorğunluq daxildir. Dəri səpgiləri üzdə və bədənin digər hissələrində də görünə bilər.

Ümumdünya Səhiyyə Təşkilatının məlumatına görə, meymunçiçəyi epidemiyaları üçün ölüm nisbəti adətən 1% ilə 10% arasındadır. Ölümlərin əksəriyyəti gənc yaş qruplarında baş verir.