Son dəqiqə
Dəmir çatışmazlığı nədir!
Minerallar da vitaminlər kimi orqanizmdə düzgün fəaliyyət imkanı yaradır. Onlar insan orqanizminin düzgün maye tərkibi, qan və sümük toxumalarının istehsalı, həmçinin əsəb sisteminin düzgün fəaliyyəti üçün zəruridir. Məhz buna görə də, qida rasionuna sağlamlığı qorumaq üçün mineralların əlavə edilməsi vacibdir. Orqanizm üçün vacib olan mikroelementlərdən biri də dəmirdir.
Dəmir çatışmazlığı körpələrin zəka səviyyəsində problemə səbəb olur. Hemoqlobin istehsalı və qırmızı qan hüceyrələrinin oksigenlə zənginləşməsi üçün zəruri olan dəmir sağlam immun sistemi üçün vacibdir. Orqanizmdə dəmir çatışmazlığının əlamətləri zəif dırnaqlar, saçların tökülməsi, tez yorulma, solğunluq, başgicəllənmə və anemiya - qanazlığıdır. Onu da qeyd edək ki, C vitamininin qəbulu dəmirin mənimsənilməsini 30 faiz artırır.
Azərbaycanda irsi hemolitik anemiyalardan talassemiya və eritrositlərin fermentopatiyası mövcuddur. Qazanılmış anemiyalardan isə demir defisitli anemiyalar daha çox yayılıb. Hamilə qadınların 40 faizə qədərində bu xəstəliklərə təsadüf edilir. İnsanlar dəmir çatışmazlığı, anemiya kimi problemləri qida rasionuna diqqət etməklə aradan qaldıra bilərlər. Amma bir çox hallarda insanlar ən son vəziyyətdə buna cəhd göstərirlər ki, bu da problemi qaçılmaz edir.
Tərkibində dəmir cox olan qidalar aşağıdakılardır:
- Ət, balıq
- Yumurta sarısı
- Yaşıl tərəvəzlər və meyvələr
- Qaraciyər, böyrək
- Keçibuynuzu bəhməzi
- Üzüm bəhməzi
- Mərci, noxud, lobya
- Qarabaşaq
- Qoz, fındıq
- Quru ərik, kişmiş, quru tut
- İspanaq[b]
