Qoz-fındıq kimi çərəzlər sağlamlıq üçün son dərəcə faydalıdır, lakin onların arasında badam xüsusi yer tutur.

Publika.az xəbər verir ki, bu sözləri tibb elmləri doktoru, amerikalı dietoloq Culiya Zumpano deyib. Badamın ən faydalı xüsusiyyətlərindən danışan həkim qeyd edib ki, onun tərkibində çoxlu mono doymamış və çox doymamış yağlar var.

"Onlar pis xolesterini azaltmaqla və yaxşı xolesterini yüksəltməklə ürək sağlamlığını dəstəkləyirlər. Buna görə də, xolesterin səviyyələrini idarə etməyə çalışan xəstələr üçün badam ideal qəlyanaltıdır. Eyni zamanda, bu çərəz digərləri ilə müqayisədə, az miqdarda karbohidrat ehtiva edir. Bu baxımdan badam şəkərli diabet xəstələri ilə yanaşı, aşağı karbohidratlı pəhriz saxlayanların da rasionuna daxil olmalıdır. Badamdakı lif qanda şəkərin səviyyəsini daha sabit saxlayır, bu da təzyiqin artması riskini azaldır", - amerikalı həkim vurğulayıb.

Badamın sağlamlıq üçün başqa bir faydası tərkibində yüksək kalsium olmasıdır. Mütəxəssis qeyd edib ki, kalsiumun yüksək olması səbəbindən qoz sümükləri və dişləri sağlam saxlaya bilir.

“Süd məhsullarını sevməyənlər və ya laktoza dözümsüzlüyündən əziyyət çəkənlər üçün bir ovuc badam pəhrizi tarazlaşdırmağa kömək edəcək. Bundan əlavə, tərkibində sümükləri möhkəmləndirən maqnezium, sink, K vitamini və manqan var. Bundan əlavə, badam antioksidantların, o cümlədən E vitamini və flavonoidlərin böyük mənbəyidir ki, bu da hüceyrələri sərbəst radikalların və oksidləşdirici stressin yaratdığı zərərdən qorumağa kömək edir.

Gündə təxminən 60 qram badam yemək bədəndəki iltihabı azaltmağa kömək edir. Bu qoz xüsusilə beyni oksidləşdirici stressdən və iltihabdan qorumağa kömək edən antioksidant olan E vitamininin yüksək tərkibi ilə tanınır”, - tibb elmləri doktoru yekunda qeyd edib.

Aytən