"İnsanların evdə, necə deyərlər, "yastıq altında" saxladıqları bütün pullar istər-istəməz alıcılıq qabiliyyətini itirir.

Milli.Az xəbər verir ki, bu barədə rusiyalı maliyyə eksperti Mariya Ermilova xəbərdarlıq edib.

Mütəxəssis diqqətə çatdırıb ki, şəxsi əmanətlərin seyfdə saxlanmasının əslində onların evdə olmasından heç bir fərqi yoxdur, yeganə fərq onların fiziki olaraq bankda saxlanmasının daha təhlükəsiz olmasıdır. Amma bu, qənaətləri inflyasiyadan xilas etmir.

Mütəxəssis vəsaitlərini itirməmək üçün insanlara bank depozitlərinə pul yığmağı tövsiyə edib. Onun sözlərinə görə, əmanətlər üzrə faizlər həmişə inflyasiyaya uyğun gəlməsə də, mal və xidmətlərin qiymətlərindəki artımın böyük hissəsini kompensasiya etmək üçün istifadə oluna bilər.

"Yalnız bütün banklarda pul yerləşdirmək təkliflərini diqqətlə izləyib müqayisə etsəniz, əmanətlərinizi ən sərfəli şəkildə yerləşdirə bilərsiniz. Sonra özünüz üçün ən sərfəli və əlverişli variantı seçə bilərsiniz", - Ermilova vurğulayıb. (publika)