Ət faydalıdır, lakin hər kəs üçün deyil.

Publika.az xəbər verir ki, bu sözləri diyetoloq Olqa Perevalova deyib. Həkim bildirib ki, 50 yaşdan yuxarı insanlar ətdən tamamilə imtina etməlidir. O, izah edib ki, artıq protein xərçəng təhlükəsi yaradır. Bundan əlavə, ət karbohidratlardan az kalorili deyil. Həddindən artıq yemək isə artıq çəki ilə nəticələnə bilər.

Perevalova “Sputnik” radiosuna müsahibəsində bildirib ki, ətyeyənlər arasında ən çox rast gəlinən xəstəlik artıq çəki və metabolik sindromdur. Nəticədə isə hipertoniya, ateroskleroz, infarkt, insult, şəkərli diabet, oynaq xəstəlikləri, podaqra və s. kimi xəstəliklər meydana gəlir.

Eyni zamanda, ətin tərkibində çoxlu vitaminlər var. Ondan tamamilə imtina etmək anemiyanın inkişafı, bağırsaq mikroflorasında dəyişiklik və immunitet sisteminin zəifləməsinə gətirib çıxarır. Ekspert bildirib ki, veqanlar xüsusilə diqqətli olmalıdırlar.

Ət xüsusilə uşaqlar üçün faydalıdır. Məsələn, A vitamini görmə qabiliyyətinin yaxşılaşmasına təsir edir. B12 vitamini isə yalnız ət yeməklərindən sonra bağırsaq florasında ifraz olunur. O, enerjiyə, toxumaların, ilk növbədə selikli qişaların yenilənməsinə cavabdehdir. Bədəni yeniləmək üçün güc lazımdır. Bu isə heyvan əti sayəsində mümkün olur. Belə bir zülal olmadan sağlam yaşamaq mümkün deyil.

“Yalnız heyvan zülalında bütün amin turşuları var. Bunlar yumurta, ət və süddür. İmmunitet proteini sevir. Bunlar zülaldan yaranan hüceyrələrdir. Veqanlar heyvan zülallarından imtina edir, təkcə ətdən deyil, quş əti, yumurta və süddən. Yalnız bitki mənşəli zülalların tərkibində isə amin turşuları olmadığı üçün natamamdır”, - diyetoloq vurğulayıb.