Bəzən adi burun tutulmasi xərçəngin inkişafına işarə edə bilər.

Həkimlər bildirirlər ki, burunun bir neçə ay ərzində səbəbsiz olaraq tutulması burun-udlağın xərçənginin simptomu kimi meydana çıxa bilər.

Bundan əlavə xəstədə boyunda ağrılı şiş və qulağın tutulması kimi simptomlar da əmələ gələ bilər.

Təəssüf ki, burun-udlaq xərçəngi "lal" xərçəng sayılır. Bu səbəbdən xəstələrin əksəriyyəti yalnız gecikmiş mərhələdə buna fikir verir və həkimlərə müraciət edirlər.

Saglamolun.az medik-forum-a istinadla bildirir ki, yuxarıda qeyd etdiyimiz simptomdan əlavə burun-udlaq xərçənginin bu kimi simptomları var:

- Boyunda 3 həftə ərzində keçməyən şişkinlik.

- Bir qulaqda eşitmənin azalması.

- Qulaqlarda küy.

- Burun qanaxması.

- Baş ağrıları.

- İkili görmə.

- Udmanın çətinləşməsi.

- Səsin tutulması, xırıltılı olması.

- Bədən çəkisinin azalması.