İmam Səccad (ə) Səhifeyi-Səccadiyə kitabının 42-ci duasında buyurur: "Allah, Sən Quranı Həzrət Muhəmmədə (s) və Ali-Muhəmmədə (s) - Allahın salamı və salavatı ona və nəslinə olsun - nazil etmisən. Möcüzəvi elmi, kamil şəkildə ona ilham etmisən. Onun elmini təfsiri ilə birlikdə bizə irs buraxmısan. Bizi, ondan (bu elmdən) xəbərsiz olanlardan üstün bilmisən. Onun agahlıq qüdrətini bizə mərhəmət etmisən ki, bizi ona agahlığı olmayanlardan üstün edəsən".

İmam Səccad (ə) buyurur ki, Quranın möcüzəvi elmi Həzrət Peyğəmbərə (s) kamil şəkildə ilham olunmuşdur və Həzrət (s) də bu elmi özündən sonrakı vəsilərinə miras olaraq buraxmışdır.

Burada diqqət etməli oldumuz nöqtə budur ki, vəhy - başqa şeydir, ilham - tamamilə başqa şeydir. Vəhyi adətən Cəbrayil (ə) Allah tərəfindən gətirərdi. Ancaq ilham belə deyildir. İlham özündə gizli işarələr daşıyan bir elmdir. İlhamın vasitəsi yoxdur və hətta başqa pak insanlara belə, ömrü boyu nazil ola bilir. İlham mövzusu - daha geniş bir mövzudur.

Çox təəssüf ki, bugünkü həyatımızda, öz daxilimizi ilhamın qəbul edilməsi üçün hazır etməmişik. Bu həyatdan yorulmuşuq və təəssüf ki, Allahla rabitədən ləzzət almırıq.

İnsan gün boyu ancaq dünya işləri ilə məşğul olar. Aydındır ki, belə bir zehnə ilham necə daxil ola bilər?! Əgər belə halda ilham gəlsə belə, bu zehin onu nə tanımağa nə də qəbul etməyə qadir olmaz.

Həyatdan yorulmamaq üçün, insan öz zehnini və qəlbini ilham üçün hazır bir duruma gətirməlidir. Alacağı İlahi enerji, onun ruhunun və cisminin rahatlığını təmin edəcəkdir.

İmam Əli (ə) buyurur: "Nemətləri əziz və dəyərli olan Allaha eşq olsun! Davamlı olaraq hər bir dövrdə elə bəndələri vardır ki, düşüncələrində onlarla raz-niyaz edər. Ona görə də onlar ayıqlıq nuru ilə gözlərində, qulaqlarında, qəlblərində hidayət çırağını alovlandırmışdılar". (Tebyan)

Yəni, ilham elə bir nemətdir ki, Allah onu sevdiyi hər bir bəndəsinə nazil edə bilər. İmam Zeynəlabidinin (ə) buyurduğu kimi, hər bir dövrdə belə insanlar yaşamış və yaşamaqdadırlar.

Bəs ilhama malik olmağın sirri nədədər? Quranda.

Heç bir kitab Quranla müqayisə ola bilməz. Hər kim Quran və tilavət əhli olar, Allaha bir addım daha yaxın olar. Allah da bu bəndəsini sevər və istədiyinə ilhamlarını nazil edər.

Milli.Az