Fetal exokardioqrafiya ana bətnində dölün ürək quruluşunun ətraflı şəkildə qiymətləndirilməsidir. Müayinə keyfiyyətli ultrasəs cihazı vasitəsilə perinatoloq və ya pediatrik kardioloq tərəfindən aparilan, dölə və anaya heç bir zərəri olmayan doppler ultrasəs üsuludur. Müayinə 18-ci hamiləlik həftəsindən etibarən aparıla bilər. Fetal exokardioqrafiyaya bir sıra göstərişlər var (qohum evliliyi, ailədə anadangəlmə ürək qüsuru olması, xromosom xəstəliyi, dölün ürək döyüntülərinin normadan yuxarı və ya aşagi olması, dölün digər orqanlarında beyin, böyrək, mədə-bagirsaq patologiyası aşkarlanması və s). Məqsəd erkən və vaxtında ürək qüsurunu aşkarlamaq, həkimlərin və ailənin doguş zamanı və ondan sonrakı taktikasını təyin etməkdir. Bəzi patologiyalar doguşdan dərhal sonra müdaxilə tələb edir (medikamentoz,invaziv və ya kardiocərrahi). Doguşa qədər diaqnozu dəqiqləşdirilmiş körpələrin pediatrik və kardiocərrahiyyə şöbələri olan mərkəzlərdə dünyaya gəlməsi, onların həyatda qalma şansını artırır.

Nigar Həsənli
"Ailə həkimi" Klinikası[b][/b]