Yuvenil qanaxmaların müalicəsində və ağrılı mentruasiyalarda kompleks müalicəyə daxil olan bitkilərin istifadəsi haqqında elmi ədəbiyyatdan bəzi nümunələri nəzərinizə çatdırmaq istəyirik:
Yuvenil uşaqlıq qanaxmaları qeyri-hormonal korrektəedici müalicəyə aşağıdakı vasitələr daxildir - damotu, pişikotu/valerian cövhəri kimi sedativ preparatlar, nootrop preparatlar (məs., pirasetam), tsiklik vitaminoterapiya, belə ki, mentruasiyanın 1-ci tsiklində fol turşusu, 2-ci tsiklində isə E vitamini təyin etmək, tsiklik fitoterapiya, yəni mentruasiyanın 1-ci tsiklində sürvə dəmləməsi, 2-ci tsiklində isə adi yovşan dəmləməsi, fitohomeopatik preparatların təyini (tsiklodinon, mastodinon).
Fizioterapiya - menstruasiyanın 1-ci tsiklində mis sulfatla, menstruasiyanın 2-ci tsiklində isə sink sulfatla verilir, boyun nahiyəsinə və ya endonazal olmaqla B1 vitamini novokain ilə yanaşı, elektroforez verilir, ehtiyac olarsa antianemik müalicə təyin edilir. Müalicə pasiyentdə ağrı sindromunun aradan qaldırılmasına, psixoemosional statusun, vegetativ sinir sisteminin, menstrual tsiklin nizamlanmasına, dismenoreyanın orqanik səbəblərinin aradan qaldırılmasına yönəldilməlidir. Pasiyent iş və istirahət rejiminə düzgün əməl etməli, perimenstrual dövrdə vitaminlə zəngin ərzaqlar qəbul edilməlidir (süd və kofe istisna olmaqla). Müalicəvi bədən tərbiyəsi, prostoqlandin sintezini normallaşdıran qeyri-steroid tərkibli iltihab əleyhinə preparatlar və polivitamin-mineral kompleksi təyin edilir.
Elmi təbabətdə Pion (lat. Paeonia-Paeoniaceae fəsiləsinə aid) bitkisinin çiçəklərindən və kökündən istifadə edilir.
Pion bitkisindən alınmış hazır preparat:
-Pion bitkisinin spirtdə cövhəri/Tinctura Paeoniae anomalae
- Nevrasteniyada
-Yuxusuzluqda
-Vegetativ-damar pozuqluqlarında
-Neyrosirkulyator distoniyalarda sakitləşdirici və sedativ vasitə kimi təyin edilir.


Müəllif: Firəngiz Rüstəmova
"FOLK VƏ YA XALQ TƏBABƏTİ" kitabından