Baş ağrıları xəstəliklər və xarici faktorlar səbəbindən baş verə bilər. Bir çox xəstəliyin yan təsiri olan baş ağrısı, miqren, sinüzit kimi irsi xəstəliklər səbəbiylə də tez-tez qarşılaşılan bir problemdir. Bununla belə, baş ağrısının təbii həlli tapılıb. İngilislərin uzun müddətdir istifadə etdiyi bu təbii çayla baş ağrılarından tamamilə xilas ola bilərsiniz.

Sağlamolun.az migren, sinüzit və ya xarici amillərin səbəb olduğu baş ağrılarının təbii həll yollarını təqdim edir:

Çobanyastığı: Çobanyastığı sinir hüceyrələrini sakitləşdirən və rahatlaşdıran quruluşu ilə baş ağrılarından xilas olmanıza kömək edir. Daha çox xarici faktorların yaratdığı baş ağrılarına qarşı istifadə edilən çobanyastığı çayı əzələləri rahatladır və beləliklə baş ağrısını aradan qaldırır. Baş ağrısı yarandıqda 1 stəkan çobanyastığı çayı içmək kifayət edər.

Nanə və limon: Limon və nanə hər ikisi rahatlaşdırıcı təsir göstərən qidalardır. Sinir hüceyrələrini stimullaşdıraraq baş ağrılarını aradan qaldırmağa kömək edən nanə və limon qarışığı sayəsində baş ağrısından asanlıqla xilas ola bilərsiniz. Nanə və limonla baş ağrısını aradan qaldırmaq üçün 3-4 nanə yarpağı əzib bir stəkan suya qoyun. Üzərinə yarım limonun suyunu sıxıb bir neçə dəqiqə buraxın. Sonra bir parça suya batırın və alnınıza qoyun. 15 dəqiqə gözləmək kifayət edəcək.

Lavanda yağı: Aromaterapiya üsullarında istifadə edilən lavanda yağı rahatlaşdırıcı təsirə malikdir. Bu effektdən yararlanaraq baş ağrılarınızdan asanlıqla xilas ola bilərsiniz. Lavanda yağı ilə baş ağrılarından xilas olmaq üçün kiçik bir qazanda su qaynadın. Üzərinə 5-6 damcı lavanda yağı əlavə edib qarışdırın. Sonra yaranan buxarı burnunuzdan nəfəs alın. Qısa müddətdə effektini görəcəksiniz.

Xrizantema çayı: Başqa bir bitki əsaslı müalicə üsulu olan xrizantema çayı ilə baş ağrılarınızı asanlıqla aradan qaldıra bilərsiniz. Xrizantema çayı 1980-ci illərdə İngiltərədə tez-tez istifadə edilən bitki çayı idi və miqren baş ağrılarını aradan qaldırdığı bilinirdi. Siz də bu çayı dəmləməklə baş ağrılarınızdan xilas ola bilərsiniz.

Çiy badam: Çiy badamda salisilin adlı bir ferment var. Salisin fermenti baş ağrısına səbəb olan sinir daralmalarını aradan qaldırmağa kömək edir. Baş ağrısı yarandıqda, təxminən 20 çiy badam yemək kifayət edəcəkdir.