Bir çox insanlar tövsiyyə edirlər ki, çox su içərək bədəni “hidratasiya” vasitəsilə “təmizləmək” olar. Sup, süd, yoqurt, çay, kofe su hesab edilmir. Bu mayelərin qəbulundan əlavə su-suzluqdan asılı olmayaraq 8 stəkan adi su içmək məsləhət görülür. 1990-cı ildə ABŞ Kənd Təsərrüfatı Nazirliyi və Səhiyyə Nazirliyi gün ərzində qəbul edilən 2 litr suyu, 4 litrə qədər artırmağı tövsiyyə edir. Bu sənəd “amerikalılar üçün dietik prinsiplər” (Dietary Guidelines for Americans) adlanır və burada müxtəlif yaş dövrləri üçün nəzərdə tutulmuş dietik piramidalar verilmişdir.
Yaradılışın dörd ünsüründən biri olan Su haqqında bir sıra atalar sözləri vardır:
-Su axar, çuxurun tapar.
-Su axdığı yerdən bir də axar.
-Su başdan bulanıqdır.
-Su bulanmayınca durulmaz.
-Su gəldiyi arxa bir də gələr.
-Su girdi qaba - oldu içməli.
-Su kiçiyindir, yol böyüyün.
-Su murdarlıq götürməz.
-Su özünə yol elər.
-Su sənəyi suda sınar.
-Su yatar, düşmən yatmaz.
-Suda boğulan ilana sarılar.

Müəllif: Firəngiz Rüstəmova
"FOLK VƏ YA XALQ TƏBABƏTİ" kitabından