Süfrələrin olmazsa olmazı duz yeməklərə dad qatmaqla yanaşı, insan orqanizmi üçün də olduqca faydalıdır.
Lakin normadan artıq istifadə edildiyi zaman əks-göstərişləri də ola bilər.
Bəs gün ərzində duzdan nə qədər istifadə etmək məsləhət görülür?

Həkim-fitoterapevt Elnarə Babayevanın dediyinə görə, gün ərzində 10-15 qram duz istifadə etmək lazımdır. Normadan artıq qəbul edilməsi isə sağlamlıq üçün təhlükəlidir: “Ürək-damar xəstəliklərindən, hipertoniya və insultdan əziyyət çəkənlər duzdan ehtiyatla istifadə etməlidirlər. Hətta qaraciyər serrozu, böyrək xəstələrinin duzdan istifadə edilməsinə qadağa qoyulur”.

Həkimin verdiyi məlumata görə, normadan artıq duz istifadə olunması, eyni zamanda, orqanizmdə müəyyən asılılıq yaradır. Ona görə də duzdan istifadəni tədricən azaltmaq tövsiyə edilir: "Tərəvəzin də tərkibində müəyyən miqdarda duz var. Hətta bir sıra bitkilərin tərkibində kimyəvi maddələrlə yanaşı, duz da var. Ona görə də əlavə olaraq duzdan istifadə olunması məqbul deyil. Hətta pomidorun tərkibində duz olduğuna görə onun üzərinə yenidən duz əlavə etməyə ehtiyac yoxdur.
Əslində duz minerallarının orqanizmin hər bir toxumasına faydası var, sadəcə olaraq onu normada qəbul etmək məsləhətdir.