Günəbaxan toxumu yemək sinir və ürək-damar sistemlərini gücləndirməyə kömək edir.

Medicina.az xəbər verir ki, qidalanma mütəxəssisi Elena Solomatinanın sözlərinə görə, toxumlar sinir sistemini sakitləşdirən, həmçinin damarları rahatladıcı təsir göstərən və qan təzyiqini aşağı salan zəngin maqnezium mənbəyidir. Onların tərkibində həmçinin ürək funksiyası üçün vacib olan çoxdoymamış yağ turşuları var. Bundan əlavə, məhsul emosional cəhətdən həyəcanlı, narahat olmağa meylli və tez-tez əsəbi olanlar üçün faydalıdır.
"Günəbaxan toxumları əsəbi olanlar üçün faydalıdır. Onların tərkibində sinir sisteminə də gözəl təsir göstərən B vitaminləri var”.

Mütəxəssis əlavə edib ki, günəbaxan toxumlarında ateroskleroz və ürək xəstəliklərinin qarşısını almaq üçün ən yaxşı vitaminlərdən biri olan E vitamini var. Həkim qeyd edib ki, E vitamini antioksidant kimi çıxış edir və hüceyrə membranlarını dağıdıcı oksidləşdirici stressdən qoruyur. Belə oksidləşmə Alzheimer xəstəliyi və xərçəng də daxil olmaqla bir sıra xəstəliklərin inkişafı ilə əlaqələndirilir.

"Günəbaxan toxumları artıq xolesterolu, şəkəri və müxtəlif toksinləri udur", - deyə ekspert bildirib.