Günə bir fincan qəhvə ilə başlamaq bir çox insan üçün vacibdir.

Lakin, yeni araşdırmalar göstərir ki, bu, günə enerjili başlamağa kömək etsə də, xroniki ağrıları artıra bilər.

Medicina.az xəbər verir ki, Polşadakı Nikolay Kopernik Universitetinin alimləri tərəfindən aparılan bir araşdırma, qəhvə istehlakının artmasının yaşlı yetkinlərdə daha yüksək ağrı səviyyəsi ilə əlaqəli olduğunu ortaya qoyub.

60-88 yaş arası 205 sağlam yetkin üzərində iki il ərzində aparılan bir araşdırmada, qəhvə istehlakını artıranlar, istehlakını azaldan və ya dəyişdirməyənlərlə müqayisədə daha çox ağrıdıqlarını bildirmişlər. Bununla belə, tədqiqatçılar araşdırmanın nəticələrini şərh edərkən ehtiyatlı olmağın və əlavə tədqiqatların aparılmasının vacibliyini bildiriblər.

2020-ci ildə dərc edilmiş bir araşdırma, səhər yeməyindən əvvəl bir fincan qəhvə içməyin həzm ağrısına və xoşagəlməz ürək yanmasına səbəb ola biləcəyini ortaya qoydu. Qəhvənin qan şəkərinin idarə olunmasına mənfi təsir göstərə biləcəyi də vurğulanıb.