Diabet bütün dünyada ciddi sağlamlıq problemlərindən biridir. Həyat tərzində sadə dəyişikliklər bu xroniki xəstəlikdən qurtulmağın ən vacib detallarıdır.

Tip 2 diabet diaqnozu çətin olan bir xəstəlikdir. Nəzarət altına alınmadığı hallarda təhlükəli səviyyələrə yüksəlmiş qan şəkərini ən qısa zamanda sağlam səviyyəyə endirmək lazımdır. Buna görə də düzgün qidalanma çox vacibdir. “Saudi Medical Journal”-da dərc olunan araşdırmada kərəviz istehlakının qan şəkərinin səviyyəsinə əhəmiyyətli dərəcədə təsir etdiyi məlum olub. Tədqiqatçılar kərəviz yarpağı ekstraktının yaşlı diabet xəstələrinin qan şəkərinin səviyyəsinə təsirini təhlil ediblər.

Prediabet, qan şəkərinin normadan yüksək olduğu, lakin 2-ci tip diabet diaqnozu qoyulacaq qədər yüksək olmadığı bir problemdir. Bu araşdırma 2014-cü ilin mart-noyabr aylarında İndoneziya, Banda Aceh, Syiah Kuala Universiteti Tibb Məktəbində aparılıb. Tədqiqata 16 pre-diabet (prediabet) olan 60 yaşdan yuxarı yaşlı insanlar daxil edilib.

Təsadüfi olaraq iki qrupa bölünən bu insanların bir qrupuna 12 gün ərzində yeməkdən 30 dəqiqə əvvəl, gündə üç dəfə (səhər, günorta və axşam) 250 mq kərəviz yarpağı ekstraktı verilib.

Tədqiqatçılar kərəviz yarpağı ekstraktı istifadə edənlərin yeməkdən sonra şəkərində "əhəmiyyətli dərəcədə azalma" olduğunu müəyyən ediblər.

Kərəviz istehlak edən qrupda müalicədən sonra qanda qlükoza səviyyəsi 19,5% azalıb. Postprandial Plazma Qlükoza Testi müəyyən miqdarda karbohidrat ehtiva edən yeməkdən sonra qan şəkərinin səviyyəsini ölçən qan testidir. Qan testi istehlakdan iki saat sonra aparılır. Bu test sayəsində tədqiqatçılar kərəvizin qan şəkərinin səviyyəsini azaltmaqda kifayət qədər təsirli olduğu qənaətinə gəliblər. Qan şəkərinin səviyyəsini nəzarət altında saxlamaq üçün glisemik indeksə diqqət yetirməlisiniz. GI (glisemik indeks) karbohidratlar olan qidalar üçün reytinq sistemidir. Bu, hər bir qidanın tək yeyildikdə qan şəkərinizin səviyyəsinə nə qədər tez təsir etdiyini izah edir.

Vücudunuz tərəfindən sürətlə parçalanan və qan şəkərinin sürətlə yüksəlməsinə səbəb olan karbohidratlı qidalar yüksək GI-yə malik olaraq təyin olunur.

medicalmedia.az