Azərbaycanda, hətta dünyada böyük səs-küy salan "Səni deyirlər" mahnsının ifaçısı İbrahim Əlizadə Azərbaycana gəlib.

Publika.az xəbər verir ki, bu barədə Yazıçılar Birliyinin mətbuat katibi Xəyal Rza feysbukda məlumat verib:

"Təkcə "Urmunun dəryası" sözündən sonra cəsarətlə "qurutdular da" deməsi yetərlidir ki, onun Urmiyə sevdasını, Azərbaycan sevdasını anlamış olaq. Milyonlarla insanın dinlədiyi və sevdiyi məşhur "Səni deyirlər" mahnısını ifa edən İbrahim Əlizadə artıq dəvətimizlə Bakıdadır", - deyə Xəyal Rza qeyd edib.

Məlumat üçün bildirək ki, İ.Əlizadə Bakıya "IX Beynəlxalq The First" mükafatlandırma mərasimində iştirak üçün gəlib.