Hamiləliyin 1-ci trimestrinin toksikozlarının müxtəlif əlamətlətlərlə gedən bir neçə forması var. Lakin ən geniş, hamının bildiyi, ürəkbulanma və qusmalarla gedişata malik olan hamiləlik toksikozudur. Yüngül ürəkbulanmalarla müşayiət olunan toksikoz zamanı demək olar ki, hamilənin əhvalında elə bir nəzərə çarpacaq dəyişiklik baş vermir. Ağır gedişatlı toksikozlarda isə mərkəzi sinir sistemində oyanıqlıq yaranır, ürək damar sistemində, qara ciyər, mədə bağırsaq sistemində dərin dəyişiklər gedir. Ağırlıq dərəcəsinə görə 5-10 dəfə, ən ağır formalarda olan toksikozlarda isə fasiləsiz şəkildə qusmalar olur. Bu zaman hamilələr 3-5kq, bəzən isə daha çox çəki itirir. Əgər belə ağır gedişatlı toksikoz olarsa, hamilə mütləq stasionar şəraitdə müalicə olunmalıdır.