Herakl- Yunan mifologiyasında Zeusla ölümlü qadın, çariça Alkmenanın oğlu, Skifin atasıdır. Maraqlısı isə odur ki, Yunan mifologiyasının qəhrəmanı sayılan Herakl; Qədim Misirdə doğulub. Yunan mifologiyası əfsanələrindəki hadisələrin Qafqazda cərəyan etməsi məlumdur. Bu gün Pisunda ilə Suxumu arasında “Mısra”adlı tarixi ərazi var ki, Heraklın orada doğulması mümkündür. Quz/Skiflərin nəslinin Zeusla, Heraklla və Makedoniyalı İsgəndərlə eyni nəsildən olması burdan başlanır. Makedoniyalı İsgəndər ana tərəfdən Troya müharibəsindən tanınan Axill, ata tərəfdən isə Herakl nəslindən idi. Herakl nə üçün oğluna məhz Skif/Quz adını vermişdi? Bəlkə elə öz atalarının mənsub olduğu bir xalq olub Skif/Quz? Herakl yatarkən atları uzaqlaşır və yuxudan oyanan Herakl onları axtarmağa başlayır. Atlarını axtaran Herakl yolunu azaraq Giley adlı torpaqlara gəlib çıxır və mağarada gördüyü yarı qadın yarı ilan olan varlıqdan atlarını soruşur. Həmin qadın sevgi qarşılığında atların yerini deyəcəyini bildirir və Herakl atlarının xatirinə bu varlıqla, yəni pəri qızla evlənir. 3 oğlu olur; Aqafirs, Gelon və Skif. Bütün Skif çarları Heraklın oğlu Skifdən törənmiş sayılırlar. Eyni zamanda “Koroğlu” dastanının Dağıstan variantında atlarını itirmiş Koroğlu onları axtara- axtara bir mağaraya gəlib çıxır...