1968-ci ildə İbrahim Topçubaşov 45 gün Türkiyədə ezamiyyətdə olub. Həm cərrahi əməliyyatlar aparıb, həm də elmi toplantılarda iştirak edib. Bir dəfə tədbirin sonunda konsert verilib. Türk müğənnisi Nəsrin Sibahi "Dağlarda duman gözəldir” adlı mahnını oxuyub. Konsertin sonunda İbrahim bəy müğənnidən bu nəğməni haradan öyrəndiyini soruşduqda, müğənni "İran şərqisidir” deyib. İbrahim Topçubaşov bildirib ki, bu nəğmənin müəllifi özüdür, yəni İbrahim Topçubaşovdur. Müğənni İbrahimdən üzr istəyərək, həmin mahnı yazılmış valı ona bağışlayıb.