Yuxarıda göstərilən qədim dövlətlərin xəritəsində bu gün Azərbaycanda olan kənd və qəsəbələrin adında bir eynilik görünür. Eramızdan 1000 il əvvəl Van gölü ilə Urmiya gölü arasında qədim şəhər-Musazır! Musazır/Masazır. Musa sözünün kökündə bir “su” sözü var ki, həm Masazır qəsəbəsi Masazır duzlu gölünün yaxınlığında, həm də qədim Musazır şəhəri çay sahilində yerləşib. Qədim Xett dövlətinin şəhərlərindən biri olan Haran və Quzan!Haran adlı Lerik rayonunda kənd var. Quzan/Quzanlı.Vikipedik mənbələrə görə: “Quzanlının tam adı Saraclı-Quzanlıdır. Kənd Qarabağda yaşamış böyük bir türk tayfasının adı ilə bu cür adlandırılmışdır. Birinci Quzanlı, İkinci Quzanlı, Ana Quzanlı, Bala Quzanlı adlı kəndlər də vardır. 1593-cü ilin məlumatına görə, Quzanlı tayfası Bərdə mahalının Sir nahiyəsində yaşayırdı. Mənşəcə VI əsrdə Altaydan Cənubi Avropaya qədər geniş bir ərazini əhatə etmiş, Türk xanlığının əsasını qoymuş və mənbələrdə adı Kuzan/Kuzen/ kimi qeyd olunmuş tayfa adı ilə bağlıdır. Ehtimal ki, XIII əsrdə Mil düzündə Beyləqan rayonu yaxınlığında adı çəkilən Kizan/Xizan qalasının adı da bu tayfanın adı ilə əlaqədardır”. Maraqlıdır ki, Musazır/Masazır yaşayış əraziləri və Bərdə mahalının Sir adlı mahalının adında, Zirə, Azər sözündə olduğu kimi olan bir “Sir/Zir” komponenti var. Manna dövləti ərazisində isə Zivie şəhəri görünür. Zivie isə bu gün Cənubi Azərbaycanda Xalxal yaxınlığındakı Zivə kəndini, Şabran rayonundakı Zivə kəndini, Qarsda olan Zivi, Siirtdə, Diyarbakırda olan Zive köyünü xatırlatmırmı?
F. Rüstəmova