Ukraynanın Lvov şəhərində “Antonov-12” tipli təyyarə qəza enişi zamanı idarəetmədən çıxaraq yerə çırpılıb.

Redaktor.az İxlas xəbər agentliyinə istinadən məlumat verir ki, qəza zamanı 5 nəfər həyatını itirib. Yaralılar var. Məlumata görə, hadisə Lvov hava limanından 1,5 kilometr məsafədə qeydə alınıb. Pilotlar texniki nasazlıq səbəbiylə təyyarəni təcili boş əraziyə endirməyə qərar veriblər.

Dərhal əraziyə çox sayda xilasedici cəlb edilib. Məlumata görə, Viqo-Lvov marşrutu üzrə uçan yük layneri yerli şirkətlətdən birinə məxsusdur. Hadisənin səbəbləri araşdırılır.