İsveçtə idmançıların olduğu təyyarə qəzaya uğrayıb.

Redaktor.az “euronews”ə istinadən xəbər verir ki, Umeo şəhərində təyyarənin yerə çırpılması nəticəsində 9 nəfər həyatını itirib. Onlar yerli paraşütçülərdir.

Ölənlər arasında tanınmış idmançılar da var. Məlumata görə, layner havaya qalxandan bir neçə dəqiqə sonra Ume çayındakı kiçik adaya düşüb.

Hökumət faciəni nəzarətinə götürüb. İsveç kralı 16-cı Qustav qəza zamanı ölənlərin ailə üzvlərinə başsağlığı verib.

Qəzanın səbəbləri araşdırılır.