ABŞ ordusuna məxsus “Thunderbolt” tipli hərbi təyyarə Arizona əyalətinə səhvən ağ fosfor bombası atıb.

Redaktor.az yerli mənbələrə istinadən xəbər verir ki, “M156“ tipli mərmi boş əraziyə düşdüyündən fəsad törətməyib. Mərminin düşdüyü ərazi mühasirəyə alınıb. Məlumata görə, hadisə təlim uçuşu zamanı baş verib.

Qeyd edək ki, “M156” döyüş başlığı dərin yanıq xəsarətləri törədir və bu mərminin dinc insanların yaşadığı bölgələrdə istifadəsi qadağandır.

Xatırladaq ki, iyul ayında Florida ştatında oxşar hadisə baş vermişdi. Quşla toqquşandan sonra texniki qüsur nəticəsində qırıcıdan 3 ədəd 11 kiloqramlıq partlamayan bomba yerə düşüb. Hadisə nəticəsində xəsarət alan olmayıb.