"Bu, danışıqlar masasından kənar qalan oyun kartını geri qaytarmaq üçün son fürsətdir”.

Bu barədə Ermənistanın "Respublikaçılar” partiyasının sədr müavini, Ermənistan parlamentinin sabiq deputatı, xarici əlaqələr üzrə daimi komissiyasının sabiq sədri Armen Aşotyan "Facebook” səhifəsində yazıb.

Onun sözlərinə görə, Azərbaycan Ermənistanı dar halqaya salmaq üçün ikinci nəfəs alıb.

"Vaşinqtonda bizim şansımız gətirmədi. Sabah keçirilməsi nəzərdə tutulan Azərbaycan və Ermənistan Xarici İşlər nazirlərinin görüşü Qarabağ münaqişəsinin nizamlanmasındakı Paşinyan mərhələsində dönüş ola bilər.

Artıq 1 ildir ki, fəaliyyətdə olan hakimiyyət tərəfindən Qarabağ münaqişəsinin nizamlanması prosesindəki yürüdülən danışıqlar strategiyası yalnız keçmişdə Ermənistanın xofladığı diplomatik kapitalı sıxışdırıb. Azərbaycan bizi dar dalana dirəyib.

Vyana-Sankt Peterburq-Cenevrə danışıqlarındakı mövqe Düşənbə lift anlaşması ilə əvəz edildikdə məlum oldu ki, Azərbaycan bizi dar halqaya salmaq üçün ikinci nəfəs alıb”, - deyə sabir erməni deputat bildirib.

O qeyd edib ki, bu, danışıqlar masasından kənar qalan oyun kartını geri qaytarmaq üçün son fürsətdir.

"Minsk qrupunun həmsədrləri tərəfindən yalnız keçirilən görüşlərdə əldə edilmiş razılaşmaların icrası tələbləri yox, həmçinin nizamlama üzrə baza prinsiplərinin xatırladılması, o cümlədən öz müqəddəratını təyin etmə hüququ da söz ehtiyatından kənarda qalıb.

Bəlkə də Vaşinqton görüşü öz səhvlərini düzəltmək, danışıqlar masasından kənar qalan oyun kartını geri qaytarmaq üçün son fürsətdir. Təkrarən tələb edirəm, ölkədən kənarda Qarabağ məsələsi ilə bağlı Ermənistanın söz və davranışı sərtləşdirilsin”, - deyə Aşotyan qeyd edib.