Politoloq Marat Başirov Türkiyə Prezidenti Rəcəb Tayyib Ərdoğanın Ankarada keçirilən NATO sammitində təşkilata üzv ölkələrin liderlərinə şəxsi döyüş revolverləri hədiyyə etməsinin məqsədini izah edib.

Publika.az xəbər verir ki, bu barədə KP saytı məlumat yayıb.

Ekspert Türkiyədə hərbi-sənaye kompleksinin (HSK) kifayət qədər güclü olduğuna diqqət çəkib və onun fikrincə, döyüş silahı şəklində verilən hədiyyə ilk növbədə məhz bunu simvolizə edir.

Başirovun qeyd etdiyi kimi, bununla Ərdoğan həm Şimali Atlantika Alyansı çərçivəsində, həm də dünya bazarlarında türk məhsullarını təşviq etməyə hazır olduğunu nümayiş etdirir.

Politoloq vurğulayıb ki, hədiyyə kimi şəxsi tapançalar təqdim etmək elitalar arasında yayılmış bir ənənədir. O qeyd edib ki, mükafat silahını ordu və ya güc strukturları ilə bağlı olmayan şəxslər də hədiyyə kimi ala bilərlər.

Nəşrin müsahibi xatırladıb ki, dünya təcrübəsində bəzi dövlət başçılarına, o cümlədən qızıldan hazırlanmış Kalaşnikov avtomatlarının hədiyyə edildiyi hallar məlumdur.