“Livanda hansısa ərazini ələ keçirmək niyyətimiz yoxdur”.

Globalinfo.az xəbər verir ki, bu barədə İsrail hökumətindəki mənbələrə istinadən AFP məlumat yayıb.

Ancaq bu açıqlamaya baxmayaraq, ölkənin cənubunda döyüşlərdən zərər çəkən şəhər və kəndlər üçün yeni təxliyə xəbərdarlığı verilib.

“Bizim mövcudluğumuzun yeganə məqsədi vətəndaşlarımızın təhlükəsizliyini təmin etməkdir. Heç bir xalq başına silah dayanmış vəziyyətdə yaşamaq istəməz. Hizbullah və digər silahlı qruplaşmalar, o cümədən Fələstinə aid təşkilatlar zərərsizləşdirildikdən sonra İsrailin bu ərazilərdəki mövcudluğuna ehtiyac qalmayacaq”, – İsrailin xarici işlər naziri Gideon Saar vurğulayıb.

Xatırladaq ki, aprelin 17-də İsrail ilə Hizbullah arasında atəşkəs razılaşması qüvvəyə minib. Bundan sonra İsrail sərhəd boyunca Livan ərazisində təxminən 10 kilometr dərinliyində “sarı xətt” adlandırılan zona elan edib. Buna baxmayaraq, tərəflər bir-birini atəşkəsi pozmaqda günahlandırır və bölgədə vəziyyət gərgin olaraq qalır.