Livan ərazisinin səkkizdə birindən çoxu İsrailin nəzarəti altındadır və İsrail əhaliyə evlərini tərk etməyi əmr edir.

Axar.az xəbər verir ki, bu barədə “Frans24” məlumat yayıb.

Qeyd edilib ki, Livanda İsrailin hücumları nəticəsində təxminən 700 nəfər həlak olub, 800 mindən çox insan evlərini tərk etməyə məcbur olub.

Norveç Qaçqınlar Şurası bildirib ki, İsrailin Livanın cənubunda və Beyrutun bəzi hissələrində "təxliyə əmrləri" hazırda təxminən 1470 kvadrat kilometr və ya ölkə ərazisinin təxminən 14%-ni əhatə edir.