Təhlükəsizlik Şurasının katibi Sergey Şoyqu bildirib ki, Ukrayna ordusu Rusiyanın dərinliklərinə zərbələr endirmək imkanlarını əhəmiyyətli dərəcədə genişləndirib. Onun sözlərinə görə, xüsusilə pilotsuz uçuş aparatlarının inkişafı nəticəsində artıq Rusiyanın heç bir regionu tam təhlükəsiz sayılmır.

Globalinfo.az-ın xəbərinə görə, Şoyqu qeyd edib ki, əvvəllər hava zərbələri üçün əlçatmaz sayılan Ural bölgəsi indi birbaşa təhlükə altındadır.

Bu regionda müdafiə sənayesi, energetika və nəqliyyat infrastrukturu kimi strateji obyektlər cəmləşib və onlara zərbə ciddi iqtisadi və logistik problemlər yarada bilər.

Onun sözlərinə görə, 2025-ci ildə Ukrayna tərəfindən Rusiyanın infrastruktur obyektlərinə edilən hava hücumlarının sayı təxminən dörd dəfə artaraq 23 minə çatıb.
Son illərdə Ukrayna dronlarının uçuş məsafəsi 2000–3300 km-ə qədər artıb və bu da Rusiyanın daha uzaq regionlarının hədəfə alınmasına imkan verir.