Rusiyanın müdafiə naziri Sergey Şoyqu Rusiya Silahlı Qüvvələrinin Birləşmiş Qrupunun komandanı Sergey Surovikinin qoşunların Xersonda əvvəllər hazırlanmış mühəndis mövqelərinə manevr etməsi ilə bağlı təklifini dəstəkləyib.

Publika.az xəbər verir ki, bu barədə REN TV məlumat yayıb.

"Bizim üçün Rusiya hərbçilərinin həyatı və sağlamlığı həmişə prioritet məsələdir və biz mülki əhali üçün təhlükəni də nəzərə almalıyıq. Əmin olun ki, getmək istəyən bütün mülki şəxslər gedə bilsinlər. Qoşunların çıxarılmasına davam edin və şəxsi heyətin, silah-sursatın və texnikanın Dnepr çayı üzərindən təhlükəsiz keçirilməsini təmin etmək üçün bütün tədbirləri həyata keçirin", - Şoyqu əmr edib.

"Qoşunların manevri mümkün qədər tez həyata keçiriləcək ", - Surovikin bildirib.