Avropa Birliyi ABŞ-ın Ukrayna ilə bağlı təqdim etdiyi sülh planı üzrə Cenevrədə aparılan müzakirələri uğurlu addım kimi qiymətləndirib.

Axar.az xəbər verir ki, Avropa Komissiyasının Prezidenti Ursula fon der Leyen əldə edilən nəticəni irəliləyiş üçün möhkəm əsas adlandırıb və Ukraynanın suverenliyinin və ərazi bütövlüyünün danışıqların əsası olduğunu bildirib.

Avropa Birliyi Şurasının Prezidenti Antonio Kosta da danışıqlarda yeni dinamikanın yarandığını qeyd edib və birliyin prosesdə tam şəkildə iştirakının önəmini vurğulayıb.

O qeyd edib ki, danışıqların əsas şərti Ukraynanın ərazi bütövlüyü və suverenliyinə hörmət edilməsidir. Ukrayna yalnız özü Silahlı Qüvvələri barədə qərar verə bilər.