Bakıda keçiriləcək Avropa Liqasının final oyunu günü nəqliyyat pulsuz olacaq.

Ailehekimiklinikasi.az publika.az-a istinadən xəbər verir ki, bunu AFFA-nın baş katibi Elxan Məmmədov AFFA-nın XXVI Hesabat Konfransında açıqlayıb. Baş katib bildirib ki, bilet sahibləri və akkreditasiyası olan şəxslər nəqliyyatdan pulsuz istifadə edə biləcəklər: “Üç gündən sonra UEFA onlayn bilet satışına başlanılacaq. Çalışın, bileti tez alın. Dekabrda UEFA-nın VİP biletləri satışa çıxdı. 1500 bilet elə həmin ay satıldı. Azərbaycan daxilindən cəmi 19 bilet alındı. Gözləntimiz hava limanı vasitəsilə 20 min azarkeşin Bakıya gəlişidir. Oyun saat 23:00-da başlanacaq. Akkreditasiya və bilet sahibləri üçün oyun günü nəqliyyat ödənişsiz olacaq. Bu, böyük addımdır və dövlətimizə minnətdarıq”.