Avropa Komissiyasının təqdim edəcəyi yeni hərbi plana əsasən region ölkələrinin müharibəyə hazırlaşmaq üçün 5 il vaxtı var.

Globalinfo.az xəbər verir ki, bu barədə “Politoco”nun məqaləsində qeyd olunur.

Məlumata görə, plan Komissarlar Kollegiyasına təqdim edilmədən öncə Avropa ölkələrinin müdafiə nazirləri arasında müzakirə edilib. Planda qeyd olunur ki, Avropanın 2030-cu ilə qədər rəqiblərini mümkün hərbi təcavüzdən çəkindirmək üçün güclü müdafiə mexanizminə ehtiyacı var. Sənədin gələn həftə Avropa liderlərinə təqdim olunacağı bildirilir.

“Demilitarizasiya olunmuş Rusiya yaxın gələcək üçün Avropanın təhlükəsizliyinə daimi təhdid yaradır”, – planda qeyd edilib.

“Politico” yazır ki, Avropa ölkələri müdafiə xərclərini artırsalar da, bu, sadəcə fərdi təhlükəsizlik xarakteri daşıyır və ümumi regional sistemdə parçalanmaya səbəb olur.

Sənəddə üç əsas hərbi istiqamət üçün vaxt qrafiki var:

-yerüstü müdafiə sistemlərini hava hücumundan müdafiə və dron əleyhinə sistemlərlə birləşdirən “Şərq cinahının müşahidəsi”;

-Komissiyanın şərq ölkələrini qorumaq üçün təklif etdiyi “Avropa Dron Divarı”, çox qatlı hava hücumundan müdafiə sistemi yaradan “Avropa Hava Qalxanı”;

-blokun kosmik aktivlərini qoruyan “Müdafiə Kosmos Qalxanı”.

Planda həmçinin Rusiyaya qarşı müdafiənin gücləndirilməsi və hücumdan qorunma məqsədilə Ukraynaya dəstəyin davam etdirilməsi də vurğulanır.