“Hər iki tərəfin birgə yaydığı məlumat var, orada kommunikasiya məsələsi və Ermənistan ərazisində TRIPP layihəsinin həyata keçirilməsindən bəhs olunur. Yəni qeyd edilib ki, bu layihə Ermənistan ərazisindədir”.

Teleqraf xəbər verir ki, bunu Ermənistan Baş naziri Nikol Paşinyan jurnalistlərə Zəngəzur dəhlizi barədə danışarkən deyib.

“Bir daha rəsmi mövqeyimizi təsdiqləyirik: Ermənistan ərazisində “Sülh qovşağı” və ya TRIPP-dən başqa heç bir layihə yoxdur”, - o bildirib.

Baş nazir ən azı özü üçün Zəngəzur dəhlizi məsələsinin aktual olmadığını iddia edib: “Bu məsələnin artıq aktuallığı yoxdur. Ən azı mənim üçün bu, siyasi səviyyədə aktual deyil”.

Nikol Paşinyan əlavə edib: “Ümumilikdə isə, qarşılıqlı təmaslar və sülhün institutsionallaşdırılması istiqamətində görülən işlərdən məmnunam”.

Həmçinin Ermənistan rəhbəri əlavə edib ki, hazırda TRIPP-in məzmunlu mətni üzərində iş gedir, layihənin məzmunu generasiya olunur:

“Masada elementlər var və onları bir vərəqdə tamamlamalıyıq. Başqa sözlə, birinci layihə qəbul edilməlidir, ikinci, üçüncü və sair... Məsələ məntiqi növbəti mərhələyə keçməlidir. Amma bir daha demək istəyirəm: istənilən həll yolu Vaşinqton sülh bəyannaməsində qeyd olunan sərhədlərdən kənara çıxa bilməz”.