Əfqanıstanın xarici işlər naziri Əmir Xan Müttəqinin Yeni Dehlidə keçirdiyi mətbuat konfransına qadın jurnalistlərin girişi qadağan edilib.

Globalinfo.az xəbər verir ki, bu barədə “Times of India” (TOI) qəzeti məlumat yayıb.

“Tədbiri kimin işıqlandıracağı ilə bağlı qərarı Taliban nümayəndələri verib. Hindistan tərəfi akkreditə olunmuş jurnalistlər arasında qadınların da yer almasını təklif edib, lakin bu tövsiyə qəbul edilməyib.

Hindistanın keçmiş daxili işlər naziri Palaniappan Chidambaram hadisədən şoka düşdüyünü etiraf edib. “Mənim şəxsi fikrimcə, kişi jurnalistlər qadın həmkarlarının dəvət olunmadığını görəndə getməli idilər”, – o, sosial şəbəkədə yazıb”, – deyə bildirilib.

Millət vəkili Priyanka Qandi Vadra, öz növbəsində, Hindistanın Baş naziri Narendra Modiyə bu məsələ ilə bağlı mövqeyini bildirmək üçün müraciət edib.

Deputat Mahua Moitra vurğulayıb ki, yerli hökumət Taliban nazirinə qadınları mətbuat konfransına buraxmağa icazə verməklə hər bir hind qadınını biabır edib.