Ukraynadakı müharibə Avropanın özünün müdafiə qabiliyyətinin əsas sınağına çevrilib. Rusiyanın təcavüzünə qarşı durmaq üçün Kiyevin müttəfiqləri təkcə kağız üzərində mövcud olmayacaq, etibarlı təhlükəsizlik təminatları verməli olacaqlar.

Axar.az xəbər verir ki, bunu britaniyalı general Riçard Barrons deyib.

O hesab edir ki, Qərb Ukraynanı təhlükəsizlik təminatları ilə dəstəkləyə bilməsə, istənilən sülh sazişi döyüşlərin növbəti raunduna qədər sadəcə fasilə olacaq.

General Rusiya-Ukrayna müharibəsinin nəticəsinin təkcə Kiyevə və ya Moskvaya deyil, bütün Avropaya təsir edəcəyini vurğulayıb:

"Ona görə də gələcək sülh sazişini diqqətlə hazırlamaq lazımdır".