Pentaqon ABŞ və Rusiya Federasiyası arasında birbaşa hərbi münaqişənin nə zaman başlaya biləcəyini açıqlayıb.

Publika.az xəbər verir ki, ABŞ Şimal Komandanlığının rəhbəri, general Qreqori Gilot hesab edir ki, bu, Ukraynada vəziyyətin gərginləşəcəyi təqdirdə baş verə bilər.

"ABŞ və onun əsas rəqiblərindən biri arasında birbaşa münaqişə ehtimalı artır", - deyən amerikalı hərbi lider Ukrayna münaqişəsinin potensial olaraq ABŞ silahlı qüvvələri ilə Rusiya ordusu arasında birbaşa hərbi toqquşmaya təkan verə biləcəyini vurğulayıb.

Bir müddət əvvəl politoloq Sergey Sudakov Rusiya ilə ABŞ arasında mümkün olan yeganə müharibənin nüvə müharibəsi olması fikrini bildirmişdi. Ancaq bu, təxminən 40 dəqiqə davam edəcək, bundan sonra bəşəriyyət məhv olacaq.

ABŞ kəşfiyyatı etiraf edib ki, Rusiya Ukraynadakı münaqişə zamanı ABŞ-ın Kiyevə tədarük etdiyi bir çox silaha qarşı durmağın yollarını tapıb.

Xəbərdə o da deyilir ki, Rusiya döyüş meydanında təşəbbüsü əlində saxlayır və münaqişə nəticəsində Ukraynadan əhəmiyyətli güzəştlər əldə edə biləcək. Düzdür, onun bütün şərtlərinin yerinə yetirilməsinə nail olacağı ehtimalı azdır.