“12 günlük müharibə zamanı təkcə bir hərbi bazada – “İmam Əli” qərargahında ciddi itkilər qeydə alınıb”.

Globalinfo.az xəbər verir ki, bunu iranlı ekspert Məhəmmədmehdi Moslehi sosial mediada yazıb.

Onun sözlərinə görə, raket hücumlarının həyata keçirilməsi üçün ağır döyüşlər gedib və nəticədə 40 SEPAH (İslam İnqilabı Keşikçiləri Korpusu) əsgəri həlak olub.

“İmam Əli” qərargahında 70 raket atmaq üçün 40 şəhid verdik”, – Moslehi bildirib.

Bu rəqəmlər İranda geniş müzakirələrə səbəb olub. Ekspertlərin fikrincə, bu, yalnız bir bazadakı itkilərlə bağlıdırsa, münaqişənin ümumi gedişində SEPAH-ın itkiləri daha çox ola bilər.