“Ermənistanın Baş naziri Nikol Paşinyanın təyyarəsi avqustun 30-da Azərbaycanın hava məkanından keçərək xaricə səfərə çıxıb və sentyabrın 6-da ölkəyə qayıdıb”.

Globalinfo.az xəbər verir ki, bunu baş naziri mətbuat katibi Nazeli Baqdasaryan açıqlayıb.

Baqdasaryan Ermənistan tərəfinin bunun üçün Azərbaycandan icazə istədiyini bildirib:

“Avqustun 8-də Vaşinqtonda sülhün bərqərar olmasından sonra Ermənistanın müvafiq qurumları baş nazirin təyyarəsi üçün Azərbaycandan hava keçidi istəyib və müsbət cavab alıb. Biz bunu regionda kommunikasiyaların blokadadan çıxarılması, sülh gündəliyinin təşviqi və qarşılıqlı etimad mühitinin yaradılması istiqamətində əməli addım kimi qiymətləndiririk. Nəzərinizə çatdırım ki, Ermənistan da uzun müddətdir hava məkanında Azərbaycan təyyarələrinin Naxçıvan istiqamətində uçuşunu təmin edir”.