Çində keçirilən Şanxay Əməkdaşlıq Təşkilatının sammiti regional və qlobal güclərin diplomatik siqnallar verdiyi mühüm beynəlxalq platformaya çevrilib. Belə bir tədbirdə Rusiya Prezidenti Vladimir Putin və Azərbaycan Prezidenti İlham Əliyev arasında görüşün baş tutub-tutmaması iki ölkənin münasibətlərinin mövcud durumunun göstəricisi kimi diqqətlə izlənir. Son aylarda Moskva-Bakı xəttində müşahidə olunan siyasi soyuqluq, Qarabağ müharibəsindən sonra dəyişən regional balans və Azərbaycanın Qərb istiqamətində atdığı addımlar fonunda belə bir görüşün olmaması yeni geosiyasi mesajların əlaməti ola bilər.

Əliyevlə Putin Çində görüşməsə, bu münasibətlərə necə təsir edəcək?

Globalinfo.az-a danışan politoloq Elxan Şahinoğlu deyib ki, Rusiya Prezidenti Vladimir Putin Çindəki sammitdə azərbaycanlı həmkarı İlham Əliyevlə görüşmək istəsə, bu, Kremlin təyyarə olayına aydınlıq gətirmək istəməsi demək olacaq:

“Bundan başqa, həm də onu anlamış olacağıq ki, Kreml münasibətləri normallaşdırmaq istəyir. İstisna deyil ki, bu hal olarsa, gərginlik də azalar. Lakin əksi olarsa, deməli, Moskva Azərbaycanla münasibətlərin normallaşmasına hazır deyil.

Həmçinin oxuyun:
Heydər Əliyevin 30 il əvvəlki arzusu gerçəkləşir – Amerikalı politoloq detalları açdı

Əliyevlə Putin Çində görüşməsə, deməli, yaxın zamanda... - Politoloq
Elxan Şahinoğlu

İlham Əliyevin Vladimir Putindən gözləntisi raketlə vurulan təyyarəyə görə zəruri addımların atılmasıdır. Kreml isə prosesdən yayınır. Bu mövzuda geri çəkilmir. Bu o deməkdir ki, iki ölkə arasında gərginlik hələ bir müddət də davam edəcək. Amma bu nə Rusiyanın, nə də Azərbaycanın xeyrinədir. Bütün hallarda birinci addımı Rusiya atmalıdır”.