“Baltikyanı ölkələr Gürcüstanı Rusiya ilə qarşıdurmaya çəkmək istəyirlər”.

Globalinfo.az xəbər verir ki, bunu Gürcüstan parlamentinin birinci vitse-spikeri Giya Volski deyib.

Onun sözlərinə görə, bu məqsədlə onlar Baltikyanı ölkələri gözləyən təhlükələri azaltmağa çalışırlar.

“Bu, onların ssenarisidir. Ssenariyə görə, gah sanksiya tətbiq edəcəklər, gah bəyanatlar verəcəklər, gah da gənclərimizi qan tökməyə çağıracaqlar. Biz bunu görürük. Düşünürəm ki, Litvanın bu qaranlıq strategiyadan başqa məqsədi yoxdur”, – Volski vurğulayıb.

Qeyd edək ki, daha öncə Litvanın daha 10 Gürcüstan vətəndaşına qarşı sanksiya tətbiq etdiyi məlum olub. Ümumilikdə Litva 112 Gürcüstan vətəndaşına qarşı sanksiya tətbiq edib.